علقت الإعلامية لميس الحديدي على حادثة عروسي المعادي، حيث سقطت سيارتهما في نهر النيل بالمعادي أثناء زفتهما، قائلة: “الزفة ما بقتش زي زمان، بقت عبارة عن سلوكيات خطيرة ومرعبة. سيارات يقودها عيال ‘بتخمس'”.
وأوضحت الحديدي، خلال برنامجها “كلمة أخيرة” المذاع على قناة ON، أن السيارة كانت تقل عددًا من أقارب العروسين، وأثناء سيرها وسط زفة العروسين على الطريق الدائري تجاه المعادي، سقطت في النيل، لتتحول الابتسامة لحزن والزفة لجنازة.
وقالت: “ما عدتش الزفة بالشكل المعتاد اللي عارفينه زمان معتمد على ‘كلكسات العربية’، أخذت شكلًا آخر وبقت عبارة عن سلوكيات مرورية خطيرة وأصبحت خطرًا. بقت عبارة عن عيال راكبة عربيات يقودها عيال ماشية بتخمس ورا بعضيها، واللي ماشي وراهم مش عارف يروح فين”.
وأكملت الحديدي: “أنا كتير ببقى سايقة وبشوف السلوكيات دي بروح راكنة ومش بكمل لحد ما يعدوا حتى لو متأخرة لأن اللي بيحصل رعب، وأنا بيصبني الرعب لأنه بيبقى طاير يمين وشمال، ممكن يطير أي عربية، وهو مشهد متكرر يؤدي لكوارث. ده كده كويس، ممكن كمان يبقى فيه شماريخ ويطلع لي حاجات”.
وأضافت: “بيبقى صف عربيات مكونة من 2 و3 ورا بعض وكل عربية تستعرض شطارتها”.
