أثارت تصريحات الفنان علاء مرسي خلال لقائه ببرنامج “كلام الناس” الذي تقدمه ياسمين عز والمذاع على قناة ام بي سي مصر، جدلا واسعا على مواقع التواصل الإجتماعي ليتصدر بها مؤشر البحث العالمي جوجل وتريندات مواقع السوشيال ميديا.
علاء مرسي يكشف أسرار علاقته بزوجته
وتطرق مرسي خلال الحلقة بالحديث عن علاقته بزوجته مشيرا إلى أنها سيدة عظيمة سامدته في أزماته قائلا: “أم أولادي وقفت في ظهري وما زلت، وهي مربية كويسة وست عظيمة، أنا برا البيت طول الوقت، وأولادي تربوا تربية كويسة، ومراتي هي اللي بترعاهم وتكبرهم خاصة مع البنات فيه حاجات مستحيل يكلموني فيها، لأنهم بيكبروا ويدخلوا في سن مراهقة، هي وقفت في ظهري كتير وما زالت، أنا كرجل ممكن أكون ببص بره وبعاكس ولكن لم اتجاوز هذه المرحلة خالص، بخاف منها على فكرة من الآخر”.
وتن مبررات الرجال في الزواج من زوجة ثانية على زوجته قال : “أي حد هيتجوز على مراته وأم ولاده لازم يكون عنده مبرر، وربنا سبحانه وتعالى يعلم أن الرجل يحب يحتوي المرأة، ولا يكتفي بمرأة واحدة، حلل له زواج أربعة ولكن حط له شرط، وقال (ولن تعدلوا) ودي بتقفل الباب، بس ليه سايب ده علشان فيه حالات لازم يكون الحل ده متاح فيها، طالما أنا معنديش الحالة دي اللي تستدعي، يبقى هعملها علشان مين؟”.
علاء مرسي وياسمين عز
وذكر علاء مرسي في بداية حواره إعجابه الشديد بالإعلامية ياسمين عز، وأمنيته الدائمة أن يقابلها وجها لوجه قائلا:” كانت أمنية أتمناها إني أقابلك وأطلع معاكي لأني من الفانز بتوعك ومؤمن بقضيتك ودفاعك عنها وإيمانك بيها واستماتك عليها وأصبحت من الناس اللي بيتمنوا اللقاء ده”.
