قال نادر شوقي وكيل اللاعبين انه استقبل ٥٠ تليفون قبل البرنامج علشان مطلعش اتكلم .. بس انا خدت القرار وطلعت وقولت الكلام كله.
وتابع شوقي انا مش عارف ايه اللي هيحصل بعد الحلقة دي .. انا قولت اللي يخلص ضميري ومبسوط بكده .. ينفع امشي ينفع تسيبوني امشي بقى.
نادر شوقي: رابطة الأندية تجاهلت مشكلة أحمد رفعت.. والوحدة الإماراتي فسخ عقده
وأكد وكيل اللاعبين ان الوحدة الإماراتي فسخ عقد أحمد رفعت لانه مكنش مركز بسبب مشكلة السفر.
وتابع أحمد رفعت ظل قرابة الشهر في الإمارات بدون لعب وكان بيصرف من جيبه بعد فسخ تعاقده مع الوحدة
وأوضح ان رابطة الأندية تجاهلت أحمد رفعت من يوم ما وقع في الملعب حتى ظهوره إعلاميا
ونوه إلى أنه بقالى سنة ببوس الايادى علشان مشكلة أحمد رفعت تنحل ولكن دون رد فعل
واختتم حديثه قائلا كان نفسي أحمد رفعت يلعب مرة تانية ولو ثانية بعد ازمته الصحية
