عبرت الفنانة هاجر الشرنوبي عن استيائها بعد انتقادها بتقبيل أبنها في عيد ميلاده وأثارت الجدل علي وسائل التواصل الاجتماعي ، رأى البعض أن الصور بها جرأة زائدة وغير لائقة .
هاجر الشرنوبي ترد على منتقدي تقبيل نجلها في عيد ميلاده
ونشرت هاجر عبر صفحتها الرسمية “إنستجرام” ترد فية علي منتقديها وقالت “مساء الخير يا جماعة، عايزة أتكلم عن حاجة مضايقاني جدًا، صحيت الصبح على كمية تعليقات مش طبيعية من ناس واضح إنهم مش طبيعيين، أنا منزلة صورة لابني وأنا ببوسه ، وفجأة لقيت تعليقات زي: إيه لازمتها البوسة وتربية مش عارف إيه. إيه المرض ده بجد مش لاقية تفسير للي بيتكتب غير في قلوبهم مرض فزادهم الله مرضًا، يعني إيه المشكلة في صورة عيد ميلاده وأنا ببوسه بجد مش فاهمة الموضوع غريب جدًا، وأنا مش عارفة فين المشكلة”.
و أضافت: “أنا بشوف تعليقات سلبية كتير، وبصراحة ما بدخلش أرد عليها، ولا عمري عملت لايف، ولا طلعت أتكلم، لكن المرة دي الموضوع يخصني، ودي صورة لابني في عيد ميلاده، مش طبيعي إن الناس تدخل تكتب تعليقات سلبية بالطريقة دي، عايز تقول نصيحة ابعتها في رسالة لكن أنك تكتب بالطريقة دي قدام الناس، ده بشع بجد مش لاقية أي مبرر أو تفسير للي بيحصل غير إن فيه ناس عندها مشكلة عقلية، يعني إيه المخ ده يهيأ لهم إن صورة أم بتبوس ابنها حاجة غلط”.
وكانت نشرت هاجر الشرنوبي صور تحتفل بعيد ميلاد نجلها عبر صفحتها الرسمية وعلقت عليها “ صورة كل عيد ميلاد إبني حبيبي اللي شقيت وتعبت فيه ١٣ سنة هفضل احضنه وابوسه حتي لما يبقي أب ،وأي حد شايف في الصور دي أي عيب يروح يتعالج”.
يذكر أن شاركت الفنانة الشرنوبي في مسلسل رحيل ، وشارك في بطولة المسلسل كل من ياسمين صبري وأحمد صلاح حسني وأحمد بدير وعزت زين وعارفة عبد الرسول ومحمد كيلاني، ومن تأليف محمد عبد المعطي، ومحمد عبد السلام .
في إطار التشويق والإثارة، تدور أحداث المسلسل حول الفتاة (رحيل)، التي تعيش حياة بسيطة هادئة، ولكن تنقلب حياتها رأسًا على عقب، عندما تُتهم في إحدى القضايا وتدخل السجن.
