حل الفنان علاء مرسي ضيفًا في برنامج “كلام الناس” الذي تقدمه ياسمين عز عبر شاشة “MBC مصر”، وكشف خلال الحلقة عن العديد من الأمور التي أثارت الجدل عنه مؤخرا وأبرزها سبب تقبيله يد الفنان محمد هنيدي في عقد قران ابنته.
وأشار علاء مرسي إلى وجود علاقة قوية بينه وبين الكوميديان محمد هنيدي، وأن ما يجمعهما لا يقتصر على العمل فقط بل علاقة أخوة وصداقة كبيرة .
علاقة علاء مرسي بمحمد هنيدي
وعن حديثه عن محمد هنيدي قال : “محمد هنيدي جزء مني وجزء من تاريخي وحياتي وجزء من العمر والسنين وأخويا اللي مش من أمي وأبويا، ولما نقعد مع بعض بننسى أننا بنشتغل ممثلين إحنا صحاب، وبغير عليه، بمعنى وبخاف عليه طول الوقت عاوز أشوفه ناجح وفي مكانة أعلى وأعلى”.
وكان قد طال مرسي حملة شرسة من الانتقادات فور انتشار مقطع فيديو له عبر مواقع التواصل الاجتماعي خلال حفل زفاف ابنته وهو يستقبل محمد هنيدي بحرارة شديدة ويقبل يده، وهو ماستنكره مرسي قائلا:”بيفسروها دايما بشكل شخصي، بمعنى يقول لك هو باس إيده، علشان هنيدي يرضى عنه ويشغله، وبيتودد لهنيدي ويتقرب، وده قصور في الفهم وهجوم مريض، الحكاية أكبر من كده، الحالة دي مش بتحصل بيننا كتير على فكرة، ولما بنتقابل بسلم عليه عادي، لكن فرحتي بابنتي وفرحتي بالفرح، وتجربة إني أحس إني هجوز بنتي، كنت في حالة عجيبة جدا ودي أول مرة وبنتي الكبيرة وجزء مني، اللي يجي لبنتي أشيله على دماغي وده للغريب، وهنيدي فاجأني، لآخر لحظة عارف أنه عنده شغل ومسافر، والمشاعر دي مسموح بيها بين الأحبة والأصحاب لكن أنا معنديش مصلحة”.
وأردف علاء مرسي:” أنا مرايته، وممكن أقول له مش عاجبني كذا أو رافض كذا ولما بشوفه بفرح، ولما بتقابل معاه بيحصل لي حاجة غريبة، كإن ولد بيجري على والده، أكون مشتاق له، ومش بنشوف بعض كتير تقريبا لأنه يسافر وعنده أعمال بره، وأنا شوية بيتوتي، لكن أنا متواصل طول الوقت معه، وحشتني وعامل ايه، الباب والخط مفتوح بينا طول الوقت وبحس به لما بيتعب وهو كمان ببحس بيا لما أبقى في مشكلة، وإحنا شيء واحد وهنيدي حاجة عظيمة وبحبه جدا”.
من هو علاء مرسي
فنان مصري من جيل الفنان الراحل علاء ولى الدين ومحمد هنيدى واشرف عبد الباقى واحمد ادم وله الكثير من الأعمال المسرحية كما له مشاركات بالتمثيل والإخراج في المسرحيات الكويتية مثل مسرحية عايلة قرقيعان، الطرطنجي وقروب بوخلي، وهو محب للدراما السورية وعمل في عمل درامي باسم ليل السرار.
حصل خلال مسيرته الفنية على عدة جوائز من احسن ممثل من مسرح الثقافة الجماهيرية واحسن ممثل في مهرجانات المسرح العربي في أكاديمية الفنون لاعوام متتالية
